di Armando Polito
Ogni anno, succede ormai da più di dieci, dedico a mia suocera, 88 primavere, un calendario personalizzato. Negli anni precedenti il soggetto è stato sempre profano, anche se le allusioni alla sfera religiosa non mancavano e debbo dire che le punzecchiature ironiche erano comprese dalla nonnina in qualche caso anni luce prima dei suoi figli (compresa mia moglie; sui nipoti, comprese le mie figlie, stendo un pietoso velo, anche se prevedo qualche attentato ai miei danni… ).
Quest’anno ho deciso di uscire allo scoperto e mi è stato più difficile, perché ho scelto un tema a lei caro e, nel rispetto delle opinioni di ognuno che presumo di avere, ho avuto, appunto, la presunzione di interpretare il suo pensiero, anche se non coincide con il mio; le conclusioni, però, anche per chi, come il sottoscritto, ritiene che tutte le religioni si basino sul ricatto della paura della morte e che su questo ricatto abbiano costruito le loro fortune anche economiche, credo siano perfettamente in linea con quelli che , forse con eccessiva pompa e sicuramente con scarso rispetto, sono definiti diritto naturale e diritto delle genti. Per questo, solo per questo, ho pensato di rendere pubblico il calendario di quest’anno (solo la copertina ed il testo delle altre pagine) ed esprimere a modo mio, prendere o lasciare, l’augurio agli amici spigolatori di un anno non convenzionale, che dico!, di un’epoca diversa: sarà ottimismo malfondato ma, visto il punto al quale siamo arrivati, non dovrebbe essere difficile….
GENNAIO
Quistu è llu mese cchiù friddu ti l’annu
e ogne creatura an terra rriscela,
cc’e ccinca no ttene mancu nnu pannu
e ccu ssi fazza luce nna candela.
La forza talle tu, Matonna mia,
cu pozza scire nnanti e cu nno mmore;
Tu lu puè ffare, piccé tu si’ Maria
e ti mamma no ggh’è acqua lu core.
FEBBRAIO
Ti stu mundu capiscu picchi e nnienti,
tantu ca ticu sempre: mamma mia,
cce zziuni, cce ccristiani e cce ttiempi!
Ti campare sempre menu fantasia.
Tu, core ti Maria ‘ddoloratu,
pi ll’amore ca vuei allu Figghiu tua
quarda stu mundu co ggh’è scunsulatu
e falle truare lu cunfortu sua.
MARZO
Nnu fiuru sta sponta ripa all’era,
no ttene lu culore ti na fiata;
eppuru ggh’è rriata primaera
e l’aria sta ssentu ca è scarfata.
O core ti Maria ‘Mmaculata,
pensace tu cu ccresce bbellu bbellu;
e sobbra ogne ccriatura ‘mpassulata
lu tua stindi beneficu mantellu.
APRILE
A stu mese è ddoce lu turmire
ma pisci cusì non ndi pigghiamu;
nc’è ci no ddorme e ppensa a futtire:
è qquistu lu statu ca ndi truamu.
Sulu tu , Matonna mia, puè pinsare
cu ddiesciti li onesti ma ‘mpannati;
giacché ti truei, invece, ha ‘mpannare
li puerci e disonesti dichiarati.
MAGGIU
Ggh’è quistu lu mese ti li rose
e alli tiempi mia li giovanotti
ndi facianu omaggiu alli carose
cu ppicchi caramelle o gianduiotti.
A tte, Matonna mia, offru sta rosa;
puru ci no ggh’è ffresca fa’ tti bbasta:
pi tte no gh’è ddifficile la cosa,
pi tte ca si ppotente, beddha e ccasta.
GIUGNO
Lu cranu già è ccrisciutu e ppi ll’aria
la luce ete diversa, ete cchiù nnetta;
ssittatu allu sole nc’è ci sbaria,
ci culumbu lli cate an bocca spetta.
Pruiti tu, Maria, core preziosu,
allu premiu pi ccinca ha ffatiatu;
e ‘nvoglia alla fatia lu schizzinosu
ca sempre lu sutore l’ha ppuzzatu.
LUGLIO
Lu state ggh’è zzaccatu e ttutti quanti
moscianu a ggara cellulite e crassu;
a cci cchiù si spongghia, no nc’è santi,
e ti li discoteche nnu fracassu!
L’uecchi, Maria mia, no ha cchiutire
e mmancu li recchie t’ha bbuddhare,
sulu tu, beddha mia, puè ‘ntervenire
e tuttu stu casinu sistimare.
AGOSTO
Lu cautu a cchiù ti unu tae an capu
e la paccìa ormai è nnormalità,
comu se no bbastaa lu crattacapu
ti la crisi e la ddisonestà.
Fande passare ogni ffumisia;
giacchè ti truei, puru ogne probblema,
tatte ta fare tu, Matonna mia,
cu questa umanità totta scema.
SETTEMBRE
Lu cautu s’è llintatu e li sciurnate
ti fannu inire la malincunia
piccé cchiù corte mo so’ ddivintate
e ndi curcamu prestu e cusì ssia.
Tu, core ti Maria, tande luce,
llunghisci li confini ti lu bene,
rinnova tuttu quiddhu ca si strusce,
e allu mundu risparmia tante pene.
OTTOBRE
L’autunnu ggh’è trasutu e li fugghiazze
sta ccatinu ‘ngiallute e ‘nfrizzulate
an terra sobbra a queddhe matarazze
ca iti pi lla strata bbandunàte.
Tu, Matonnina mia, fa’ pulizia
ti li mundezze ca a totte l’ore
mmuntunamu no ssulu pi lla ia
ma purtroppu puru intr’allu core.
NOVEMBRE
Lu mese ti li muerti è llu cchiù vveru,
ma nci so’ puru muerti sfurtunati;
veru ca tuttu spiccia a ccimiteru,
ma no tutti li muerti so’ ppricati.
Matonna, tande a ttutti sipurtura,
non di fare mancare stu dirittu;
no ttene distinzioni ti cultura
e vale puru pi llu derelittu.
DICEMBRE
L’annu è quasi passatu e ti ringraziu,
Core santu, ‘ddoloratu e ppuru,
e, ssenza cu ccunsumu tantu spaziu
(ci no mi ticinu ca no ccarburu…),
grazie mille pi totte li fritture
ca ma ffattu ‘mbaccare a ogni ora;
pi lli dorci, lu mieru e li verdure,
pi queddhu ca vuei mmi lassi ancora.