Tata
di Antonio Bruno
Furnu te petra,
lu pane te ranu coce,
nna ndore forte tuce, tuce,
me porta a mmienzu alla campagna toa.
La luna te ddha ssubbra picca luce,
notte ca me nturtiji alla palora toa
notte te suspiri contruluce
nnu picca te rienu caticiatu
sutta alla scarpa s’ha feccatu,
me sècuta agnaciu spiritu ncantatu.
Terra amata, terra te turmientu,
ieu sacciu a ddhu stau e bbe nnu jentu
la vita spìccia e tie terra, mamma e tata,
resti quai pe ccinca n’àura fiata
tenta cu càngia tuttu,
prima cu capisca ca è perfettu cussì,
è propiu nna delizia.
Comu sirma ca se nne scìu l’annu passatu
e me lassau sulu e scunsulatu
ca ìa ulutu cu me lu cotu ‘ncora
magari pe nnu discorsu, ppe nna parola sula.
L’aggiu lassare puru ieu la terra mia,
sana come l’aggiu truata la lassu alla stria
ca quannu sente lu profumu te murteddha
pote pensare a mmie,
comu jeu pensu a iddha,
comu moi ca sta pensu a iddhu
lu sire miu e crìsciu
ca stae felice a nnanzi a Ddiu.